leitið og þér munuð finna......kannski;)

Páskafríið á enda

Tue, 25 Mar 2008 17:30:20 GMT

Sælir nú...

Ég get ekki annað sagt en að páskafríið mitt hafi verið hreint út sagt mesta chill í heimi og hreinasta skemmtun...vona að það hafi verið eins hjá ykkur;)

Fríið byrjaði allt saman með ferð í sumarbústaðinn hennar Ásbjargar en þar fórum við 11 saman og ég get alveg sagt að sú ferð hefði verið skemmtilegri ef öllu nigginu sem varpað var yfir mig hefði verið minna. Ég komst engan veginn í skap fyrir að detta íða með krökkunum þannig að ég var bara sötrandi hægt og rólega og bara í chillinu.

Á laugardeginum fórum ég Aron og Silli í afmæli til Hildar en Silli var ekki að drekka svo að hann yfirgaf svæðið um 12 leytið en ég og Aron vorum eftir og þetta afmæli var alveg tær snilld. Svo komu bara 3 dagar í rólegheitunum hjá okkur strákunum og svo þegar að mamma hans Ása ákvað að yfirgefa Mosóbæinn á miðvikudeginum byrjuðu herlegheitin og má segja að við strákarnir höfum búið þarna bara... Við fórum í póker og spiluðum pes og svo á föstudeginum þá fórum við í leikinn okkar fræga:

"Tequila pes"

En hann einkennist af því að við erum með tequila flösku við hönd og 4 skotglös, 1 handa hverjum og í hvert sinn sem einhver fær á sig mark þá þarf viðkomandi að taka eitt skot af tequila:D þetta var alveg magnað kvöld sem þarf að endurtaka allavega einu sinni í mánuði myndi ég halda;) Til í það bræður?

Á laugardeginum hélt leið okkar til Ísafjarðar, já ég sagði Ísafjarðar. Við ákváðum að skella okkur á hátíð þar á bæ sem heitir Aldrei fór ég suður og hýsti fjölskyldan hans Gísla frænda Silla okkur í tvær nætur. Þetta var magnað og má segja að maður hafi ekki séð eftir þessari ferð nema kannski svona 12-13 klukkutímum af henni sem fóru í það að keyra fram og til baka.

Ég veit svosem ekki hvað ég á að skrifa meira nema bara að á laugardaginn mun ég yfirgefa Ísland í nokkra daga og ekki í fyrsta skiptið;) En leið minni er haldið til Spánar þar sem ég mun taka þátt í golfmóti sem heitir Sherry Cup og er spilað á velli sem heitir Sotogrande. Þar verðum við 4 strákar og 3 stelpur og keppum í liðum og þetta er sagt vera eitt að þeim skemmtilegri mótum á árinu þannig að ég er bara fullur tilhlökkunar, kominn með nýtt golfsett svo að þetta getur varla verið betra:D

En já ég ætla að fara að gera eitthvað af viti hér heima við svo að heyrumst;)

Og já ekki vera smeyk við að commenta hérna halló;)

FÚDISH

Ekki frá því að sé kominn tími á blogg

Sat, 08 Mar 2008 13:49:32 GMT

Sælt og blessað verði fólkið...

Ég veit að það er langt síðan síðast en ég bara einfaldlega hef aldrei komið mér í neinn gír til að skrifa hérna inná...En það er annáð uppá teninginn núna...

Ég sit hérna heima bara í þvílíku letikasti að horfa á boltaleik í sjónvarpinu þar sem boltabullurnar í Manchester United eru að spila á móti Portsmouth í enska bikarnum og er þetta ansi fjörugur leikur. Að sjálfsögðu styð ég Portsmouth menn í þessum leik því að það er ekki mikið til í því hjá mér að ég muni nokkurn tíman styðja lið eins og Manchester United.

Það er búið að gerast ansi mikið reyndar hérna frá því úr síðustu færslu sem var hérna fyrir einum og hálfum mánuði síðan. Ég er t.d búinn að fara til Spánar og Portúgals í millitíðinni að keppa á Opna Portúgalska áhugamannamótinu sem gekk alveg ágætlega en því miður komst ég ekki í gegnum niðurskurðinn þar sem að ég náði að klúðra þessu á einhvern ótrúlegan hátt hérna á síðustu 7 holunum, en svona er bara golfið. Næsta ferð sem er á dagskrá hjá mér er ferð til Sotogrande á Spáni á mót sem heitir Sherry Cup og er sagt vera eitt það skemmtilegasta sem hægt er að spila í, frábær völlur og vonandi frábært veður;) en Sherry Cup er liðakeppni þar sem 4 eru saman í liði og telja 3 skor af 4 á hverjum hring held ég og það eru spilaðir 4 hringir. Þeir sem keppa fyrir Íslands hönd að þessu sinni verða Ég, Stefán Már, Pétur Freyr og Sissó.
Alveg hörkuhópur og þetta verður ekkert nema skemmtileg ferð.

Ég í sveiflu í Faldo mótinu síðasta sumar

Pétur nettur í bílnum sínum útá Flórída

Helgina eftir að ég kom heim frá Portúgal var haldið Reunion '88 árgangsins úr Mosó á Klúbbnum við Gullinbrú og voru þar um 60-70 manns að ég held og má segja að þar hafi drykkjan gjörsamlega verið í hámarki en þetta var samt alveg hreint frábær skemmtun. Það fóru fram kosningar þar sem við kusum um 3 hluti, bjartasta vonin, mestu breytingarnar og flottasta foreldrið;) Niðurstöður úr kosningunum voru eftirfarandi:
Bjartasta vonin: Kári Örn en hann á þennan titil alveg gjörsamlega skilið
Mestu breytingar: Maja og Jói, en þau voru bæði svona dáldið þétt á sér í grunnskóla en annað var uppá teninginn núna, núna er ekki vottur af fitu að sjá á þeim og þau bera þennan titil svo sannarlega með sóma:D
Flottasta foreldrið: Hrefna Sif, hún var fyrst úr árgangnum til að eignast barn og ekki bara nóg með það heldur var hún einni fyrst til að gifta sig:D Til hamingju með það:D

Síðan í gær ákváðum við strákarnir ég, kári, aron og silli að hafa spilakvöld og fórum við í póker og Nintendo Wii þar sem við tókum einn keiluleik og ég gerði mér lítið fyrir og lagði engann annan en kónginn sjálfan, kára, af velli með 14 eða 15 stigum:D Ekki nóg með það heldur fór ég einnig með sigur af hólmi í pókernum og má þar með segja að þetta hafi verið svo sannarlega vinningskvöldið mitt:D Ekki amalegt það...

Næstu helgi er Páskafrí:D og erum við hópurinn hérna í Mosanum búin að ákveða bústaðarferð og hlakkar mig mjög mikið til:D Þar ætlum við að fara nokkur saman grilla og hafa kósý með bjór í hönd og guð má vita hvað gerist meira.

Svo má ekki gleyma að tilkynna nýjasta parið í Mosfellsbænum í dag en það eru engin önnur en þau Ásmundur og Ásbjörg (Pocket Aces:D)

Svo sannarlega fjallmyndarleg, enda úr Mosfellsbænum;)

En ég held ég ætli ekki að hafa þetta lengra er búinn að skrifa yfirdrifið nóg og mér finnst það meistaraverk ef að þið eruð ennþá að lesa þettá rugl sem ég er að skrifa hérna;)

En allavega ég skal reyna að koma með eitthvað sem fyrst.

P.S. þið megið alveg commenta og segja mér hvað ég megi setja inná síðuna og hvað ég megi laga og svona:D

Kristján

smá frá Flórída

Sat, 19 Jan 2008 03:30:39 GMT

Já sæll....eigum við að ræða þetta eitthvað???...nei ég hélt ekki

Ég er eins og margir vita staddu útí Flórída núna í æfingaferð með landsliðinu og á þetta að kallast "the sunshine state"....Síðan við komum þá er ekki búinn að vera vottur af sól hérna heldur bara skýjað og vindur nema í dag þá var logn en þá bættist rigningin við inní þetta...

Ég get ekki annað en sagt að ég sé farinn að sakna margra heima...

Æfingarnar eru búnar að ganga vel og er spilið að verða betra og betra með hverjum hringnum sem er bara jákvætt, í dag spilaði ég 2 yfir parinu og er það ágætt en ég hefði getað gert mun betur þar sem að ég var í mjög mörgum birdie færum en púttin féllu ekki mín megin í dag frekar en hina tvo dagana svo að þetta hlítur allt að koma von bráðar.

Ég kem heim á fimmtudagsmorgun og að sjálfsögðu mætir maður í skólann "ferskur" í fyrsta tíma klukkan 09:50 og í þýskupróf seinna um daginn:S....

Ég hreinlega veit ekkert hvað ég á að segja og þetta er mjög lélegt blogg ef ég á að segja eins og er líkt og hin bloggin á þessu bloggi....

En ég ætla að fara að skella mér í háttinn og svo er aldrei að vita nema að ég skelli inn einhverri færslu áður en ég kem heim;)

Vil líka minna á linkinn hérna inná smáborgina mína, hún er að stækka;) þetta virkar þannig að ef þið klikkið á linkinn eykst íbúafjöldinn í borginni minni og við það stækkar borgin svo að mér þætti vænt um ef þið mynduð nú ýta á þennan link í hvert sinn sem þið farið inná þessa síðu:D

http://stjanalingur.myminicity.com/

P.S. þið mættuð líka endilega commenta hérna fyrir neðan og segja mér hvað ég mætti bæta og þess háttar:P

Kristján kveður að sinni í von um að sólin fari að láta sjá sig hérna í Flórída fylki....góðaaaaa nóóóttt

stuttlingur

Sun, 13 Jan 2008 18:27:59 GMT

Sæl öll sömul

ég vil byrja á því að þakka fólkinu sem kom til mín á föstudaginn fyrir skemmtilegt kvöld:D

En já ég var að nördast og búa til svona smáa borg þannig að plís neniði að ýta einu sinni á linkinn hérna fyrir neðan:P það tekur ekki neinn tíma:D

http://stjanalingur.myminicity.com/

svo megiði líka alveg commenta;)

P.S. er að fara til Flórída eftir 2 daga:P

skólinn, útlönd, afmæli og hvað eina

Tue, 08 Jan 2008 19:12:11 GMT

Soldið síðan ég skirfaði færslu síðast en hver er ekki til í eitt stutt og laggott blogg:P

Skólinn byrjaði í morgun og ekki beint það sem maður er að leita eftir, vildi óska þess að ég væri bara búinn með þetta en svo er ekki. Ég var semsagt í skólanum til um 3 í dag og var þetta býsna rólegur dagur, fá námsáætlanirnar og svona lagað, eftir skóla fórum ég, ási og silli niður í bæ til að verða okkur út um bækur sem að okkur vantaði í safnið. Ég er samt að fara í PRÓF á morgun í þýsku sem er reyndar alls ekkert erfitt því þetta er úr 2 mjög stuttum blaðsíðum í einhverri lestrarbók haha:lol:

Í dag mun ég semsagt vera 19 ára og 362 daga gamall sem þýðir það að ég á afmæli eftir 3 daga eða nánar tiltekið á föstudaginn 11. janúar:D það er mikill spenningur í mér fyrir þennan merka áfanga því ekki er það á hverjum degi sem að maður verður 20 ára:D ég ætla að halda kannski eitthvað smávegis hérna heima fyrir og bjóða nokkru fólki og ef þú færð sms eða símhringingu þá er þér boðið;) annars ekki:klikk:

Þriðjudaginn næsta eða 15. janúar mun ég halda á brott og yfirgefa landið í nokkra daga því jú ég er að fara að skella mér til Flórída;) ekki í fyrsta sinn:P og mun ég koma heim aftur morguninn 24. janúar. Ég er búinn að bíða mjög lengi eftir því að fara út að geta spilað golf við almennilegar aðstæður því veðrið hérna heima hefur hreint út sagt ekki leikið við mann eins og maður segir og því ekki hægt að æfa nægilega mikið. Ég hitti líka Pétur Frey þegar við förum út en hann hefur verið í Flórída alla þessa önn í skóla og mikill spenningur þar fyrir...

En ætla ekki að hafa þetta lengra er að fara að borða og svo á æfingu

Howdý

Snjókorn falla....á allt á alla

Wed, 26 Dec 2007 01:48:28 GMT

Þegar ég vaknaði í morgun og leit útum gluggann þá vaknaði sko sannarlega jólastrákurinn í mér þegar að ég sá allan þennan snjó úti og loksins komin svo hvít tré útum allt:D persónulega finnst mér aldrei vera jól nema ég sjái snjófallin tré

En já í gær fékk ég margar mjög flottar gjafir sem ég var mjög sáttur með og vil ég þakka öllum kærlega fyrir mig:D

Ég silli og aron fórum í jólasnjórölt áðan og byrjuðum við bara að labba og ákváðum við að kíkja aðeins á Kára vin okkar, við enduðum á því að taka 3 klukkutíma Wii mót/leiki sem var alveg hreint mögnuð snilld, virkilega sniðug leikjatölva sem að allir aldursflokkar geta haft gaman að:P

Ég veit samt ekki af hverju ég er að blogga en ég held bara að snjórinn fái mig til að blogga sem er að vísu alveg ágætt svosem en það er samt voða lítið point í því þar sem að það er enginn tilgangur með þessu bloggi:S haha

Svo á morgun ætlum við pabbi að halda boð hérna heima þar sem að við bjóðum bræðrum mínum Ella og Steina og konunum þeirra og börnum í mat og hlakka ég mikið til að hitta þá og þá sérstaklega steina þar sem að ég er ekki búinn að sjá hann í nokkra mánuði:S:S mjög slæmt...

ég er að pæla í því að fara að skella mér í háttinn og vakna snemma á morgun og horfa á Chelsea vs Aston Villa klukkan 13:00 með strákunum:D

Góða nótt

Hvít jól?????

Mon, 24 Dec 2007 12:27:38 GMT

Núna er maður nývaknaður eftir hreint út sagt mjög góðan svefn og maður lítur út um gluggan og sér bara allt hvítt:O:O á maður virkilega að trúa því að það séu að verða hvít jól núna í fyrsta skipti í fleiri ár:D jólaskapið var vægast sagt ekki beint mikið í gær þó svo maður fór með strákunum í bæinn og kíkja í einn kakóbolla eða svo en núna þegar maður sér þennan snjó úti þá fór maður skyndilega í jólaskap aftur;D

Ég ætla bara rétt að vona það að það byrji ekki að rigna hérna seinna í dag:S

En já einungis 5 og hálfur tími í jólin, hugsa sér:D

Ég ætlaði annars bara að óska öllum þeim sem að lesa þessa síðu hjá mér gleðilegra jóla og óska ykkur farsældar á nýju ári og vonandi munið þið hafa það gott yfir hátíðarnar í faðmi fjölskyldu og vina:P

Gleðilega jól öllsömul

Kv Kristján Þór í jólaskapi

skoðanakönnunin

Thu, 20 Dec 2007 09:53:43 GMT

úrslitin liggja fyrir í skoðanakönnuninni sem stóð yfir í jólaprófunum og var hún eftirfarandi: hver af okkur verður með lægstu meðaleinkunnina á jólaprófunum?
Kári
3%
Aron
11%
Kristján
38%
Sigvaldi
5%
Ásmundur
41%
Sigmundur Aron
3%

Alls voru 37 atkvæði og voru 41% einstaklinganna með ásmund og 39% einstaklinga með mig:S en eins og staðan er núna þá er ási með lægstu meðaleinkunnina af okkur 3 (silla, mér og ása) en aron og kári ná í einkunnirnar í dag svo að ég læt vita seinna í dag

Minni á færsluna hér fyrir neðan:D:D

SVo allir að taka þátt í nýrri skoðanakönnun og commenta og segja eitthvað skemmtilegt:D

ágætt svosem

Thu, 20 Dec 2007 09:50:12 GMT

Já ég lofaði að setja inn færslu ef að einkunnirnar væru allt í lagi og það kom þannig út að þær voru bara alveg í lagi að mínu mati:D ég bjóst við mun verri einkunnum en þetta var fínt en einkunnirnar voru eftirfarandi:

Landafræði 6

Íslenska 4 ----- fall

Náttúrufræði 6

Enska 7

Saga 6

Íþróttir 6

---------------------------------

sem segir að meðaleinkunnin var 5,8 með fallinu en 6,2 án fallsins svo að ég segi bara að meðaleinkunnin hafi verið 6;) meðaltal af meðaltalinu

En ég ætla ekki að hafa þetta lengra þarf að fara að skutlast með systir bellu útí skóla því hún er að fara að skella sér á jólaball, vííí;)

Bless

Einkunnaafhending

Wed, 19 Dec 2007 11:41:53 GMT

Ég er orðinn pínu stressaður ef ég á að segja eins og er með að ná í einkunnirnar mínar og vona ég svo innilega að ég hafi náð öllu saman:D þetta er í fyrsta sinni sem að ég verð eitthvað stressaður yfir einkunnum þannig að ég er alveg að farast hérna:S

Er hjá Bellu núna að bíða eftir að hún verði tilbúin og síðan næ ég í einkunnirnar:P ef að vel fer þá er aldrei að vita nema maður upplýsi bara hvað maður fékk í prófunum;)

sogima soidA

Kristján Þór Einarsson

Próflokafærsla

Thu, 13 Dec 2007 17:20:43 GMT

Vildi bara skjóta inn hérna einni stuttri og hnitmiðaðri færslu!!!

Ég kláraði síðasta prófið mitt áðan og gekk mér alveg ágætlega í öllum prófunum nema reyndar því sem var í morgun því það var eitthvað svolítið skrítið og ég skildi ekki alveg spurningarnar :S en ég hlýt að ná þessu annars verð ég pirripú og þarf að taka áfangann aftur á næstu önn sem ég nenni ekki en þá gæti ég svosem bara sjálfum mér um kennt að falla;)

en ég ætla ekki að hafa þetta lengra, er að fara á golfæfingu og svo ætla ég á BJÓRKVÖÖÖÖLLLDDD:D:D:D

Adios amigos

Blogg frá hlöðunni

Wed, 12 Dec 2007 11:17:09 GMT

Hver er ekki til í smá blogg, allavega er ég til í það því jú ég er að læra og auðvitað finn ég mér eitthvað annað að gera;)

En þannig er mál með vexti að ég og pálsson sitjum hérna sveittir ofan í bókunum að lesa undir prófin, ég undir náttúrufræði og hann undir sálfræði. How boring:P Ég er líka ekki alveg að fýla eitt en það er að á meðan að ég á pálsson eigum eftir að sitja hérna í allan dag þá eru 3 amigos drengirnir bara búnir í öllu (Kúrsk, Deskó og Möffið) en það tók varla fyrir Deskó að opna bækurnar því hann fór í eitt GEFINS próf þar sem að lokaprófið var 100 krossaspurningar og hann þurfti að læra 5 hlutapróf utanbókar, hversu auðvelt er að læra krossaspurningar utanbókar.

Þetta er ekki réttlátt

En á morgun stundvíslega klukkan 10:00 mun ég labba út úr prófstofunni, stoltur drengur sem lokið hefur við öll 5 prófin sín og vonandi að maður hafi náð þeim öllum:P

Ég ætlaði annars bara að skella inn svona einni nettri færslu héðan af hlöðunni...

Eitt í viðbót!!!

Það er eitt ógeðslega pirrandi við stelpurnar á þessari bókhlöðu en það er að þær geta ekki mætt í venjulegum strigaskóm sem heyrist ekkert í heldur þurfa þær flestar að velja sér skó sem tryggir mesta hávaðann þegar labbað er í þeim eins og núna þá sit ég hérna við einhverja hurð sem að allir fara í gegnum til að fara í síman og allavega 3 stelpur sem eru búnar að koma í þvílíkum stígvélum með TRÉhæl bara til að bögga mig hehe ég lít á það þannig;)

En nenni ekki að hafa þetta lengra í þetta sinn

Ást og virðing

Kristján Þór

Bloggleysi eða hvað + ný skoðanakönnun

Tue, 04 Dec 2007 18:47:18 GMT

Af hverju þarf það alltaf að vera þannig að þegar að maður á að vera að lesa undir próf þá finnur maður sér alltaf eitthvað annað "skemmtilegra" að gera, blogga, taka til, horfa á TV eða jafnvel bara sitja og horfa útí loftið. Alveg hreint magnað haaaa

En svona til að tala um eitthvað þá tók ég fyrsta lokaprófið mitt í dag og var það enska, lesturinn undir það var nú ekki beint mikill ef ég á að segja eins og er en mér gekk samt ágætlega vel á prófinu svo að ég næ þessum áfanga alveg pottþétt og þá er maður bara orðinn stúdent í ensku:D þvílíkur lúxus.

Ástæðan fyrir þessu þvílíka bloggleysi hérna síðustu vikurnar er líklega bara sú að ég er einfaldlega varla að nenna að blogga eitthvað því bloggin mín eru svo leiðnleg því ég er ekki góður penni eins og margir hverjir eru hehe.

Ég fer í mitt síðasta próf fimmtudaginn 13. des og erum við strákarnir búnir að plana það að halda uppá próflokin með Tequila PES leik:D það er leikur sem að ég og Silli stungum uppá fyrir ekki svo löngu en það er líklega bara best að fara í hann þegar að allir eru í fríi;)

En annars er fátt annað sem ég hef að segja nema að strákurinn er að verða tvítugur núna bara strax í næsta mánuði og er spenningurinn alveg ágætur ef ég mætti segja eins og er:D Bandaríkjaferð er líka á næsta leyti en hún verður dagana 15. jan - 24. jan og hlakkar mig mikið til því löngunin á að komast út og spila golf í hita og við frábærar aðstæður er alveg að gera útaf við mig. Mætti halda að maður væri að fá hálfgerð fráhvarfseinkenni frá hitanum því maður var úti í hverjum einasta mánuði ég veit ekki hvað marga mánuði í röð;)

En ætla ekki að hafa þetta lengra og ég minni lesendur á að það er komin NÝ skoðanakönnun hér til hægri á síðunni sem að ég vil að allir taki þátt í því þátttakan í síðustu könnunum hefur ekki beint verið mikil ef ég á að segja eins og er;) svo að allir að taka sig til og setja sitt atkvæði í einn dálk og ýta á "kjósa":D Tekur ekki meira en 10 sekúndur sem er ekki neitt

Með kveðju

-Kristján Þór-

Myspace nýjungin

Thu, 20 Sep 2007 20:07:19 GMT

Já ég er loksins kominn með myspace;) þetta er frumraun mín í þeim heiminum svo að ekki hrauna yfir mig ef þetta kemur eitthvað illa út

www.myspace.com/stjank_88

Stjánk kveður

betra er seint en aldrei

Wed, 19 Sep 2007 15:33:03 GMT

Já hér er gömul ferðasaga eða bara frá því í síðasta mánuði þegar að ég og MAja frænka fórum í vikuferð til Noregs. Betra er seint en aldrei eins og maður segir;) Ég hef bara einfaldlega ekki haft tíma til að blogga svo að vonandi njótiði;)

Ferðin byrjaði öll á því að ég og Maja frænka lögðum af stað heiman frá mér rétt fyrir 5 um morguninn eftir að hafa sofið aðeins yfir okkur, við fórum á bílnum mínum úteftir og skildum hann eftir á langtímabílastæðinu. Flugið fór á réttum tíma og því ekki eins og síðast þegar að ég fór til Norges þegar að fluginu seinkaði um heila 8 klukkutíma, how boring.

Þegar að við komum svo til Noregs þurftum við að bíða eftir lestinni í 2 tíma því við höfðum rétt misst af henni og sátum við því bara á einhverju litlu kaffihúsi og ég var að horfa á bíómynd í tölvunni og maja var að gera eitthvað annað. Við tókum síðan lestina og sú ferð tók einn og hálfan tíma, þar horfði ég á aðra mynd á meðan að Maja svaf mest allan tíman.

Við gerðum nú mest lítið þarna úti annars nema að sofa eitthvað frameftir hádegi þegar að stelpurnar vöktu okkur ekki, en annars vöknuðum við alltaf við þær þegar að þær voru að brasa eitthvað í herberginu. Siggi Dan var að venju feiminn svona í fyrstu skiptin sem maður sá hann en um leið og maður var búinn að vera að leika við hann í smá stund þá var bara eins og maður hefði verið með honum alla ævi, algjör snillingur þessi strákur:D enda frændi minn;)

Hann og Regína (yngsta dóttirin) áttu samt stundum í smá vandræðum með að ná í klósettið í tæka tíð og vildi það oft vera þannig að það var pissu pollur hér og þar í húsinu hehe.

Svo versluðum við Maja líka alveg slatta af fötum og svona og keypti ég mér t.d 4 peysur og 3 boli, en ég veit að vísu ekkert hvað hún var að kaupa sér;):P Í gær þá fórum ég, Maja, Rakel, Ingunn og Habbý í svokallaða sundhallargarð sem kallast Badeland og voru nokkrar rennibrautir þarna inni og þetta var bara algjör snilld, í einni rennibrautinni lá við að maður hefði kastast uppúr henni því maður fór svo hratt og svo í annarri lá við að maður hefði drukknað því straumurinn var svo mikill í henni...

Á föstudaginn kíktum við reyndar á djammið með Hrefnu systir og að sjálfsögðu var áfengið til staðar, maður var alveg glaður í skapinu til svona korter í 3 um nóttina þangað til að einhver hálfviti sem er að vinna á staðnum kemur út til mín og ákveður að taka af mér flöskuna sem ég var með að drekka úr, og ég rauk náttla upp í þvílíkum pirirngi og ætlaði að hjóla í gæjann en þá kemur annar dyravörður og heldur mér eitthvað ekki að fíla það, þannig að ég fór út í þvílíkum pirringi og svo þegar að ég kem út sé ég að það er einhver 60 ára róni að reyna við maju litlu og labba uppað honum og segi honum að drullast í burtu og lendi í alveg 10 mínútna rifrildi við kauða sem hefði örugglega hjólað í mig á endanum ef að löggan hefði ekki verið í skjóli þarna aðeins frá þar sem að hún sá staðinn.

Þetta er mjög leiðinlegt og langdregið blogg því ég nenni varla að skrifa því ég er að leiðinni útá flugvöll núna í bíl með Rakel og Maju því að lestin sem við áttum að taka kom ekki og þá kom allt í einu annar meður og spurði okkur hvort að við værum að bíða eftir lestinni og ég svaraði játandi og þá segir hann að næsta lest muni ekki koma fyrr en á föstudaginn næsta því það væri verið að gera við lestarteinanna, og ég og Maja fengum alveg vægt sjokk því við vorum búin að bíða þarna í klukkutíma eða svo og engin lest á leiðinni:S Þannig að ég hringdi bara í Hrefnu og hún sendi Rakel niður í bæ til að ná í okkur.

Kristján